Gjilan: Një qytetar bie në kontakt me rrymën, dërgohet në gjendje të rëndë në QKUK
Një person është dërguar në gjendje të rëndë sot në Qendrën Emergjente të QKUK-së pasi i njëjti ka rënë në kontakt me rrymën.
Lajmin për media e ka konfirmuar drejtori i Emergjencës, Naser Syla i cili tha se i njëjti është transferu në Klinikën e Mjekimit Intensiv Qendror.
Syla tha poashtu se gjendja e të lënduarit është e rëndë dhe jostabile.
“Është sjellë nga spitali i Gjilanit, gjendje shumë e rëndë, pas intervenimit nga ekipët e anestezionit,k.plastike dhe urologjisë, pacienti është transferu në MIQ për trajtim të metutjeshëm. Gjendja shumë e rëndë dhe jo stabile.”, u shpreh ai.
