Gëzuar 2022, me shume shëndet, begati e lumturi për juve, familjen dhe me te dashurit tuaj. 🤗🥂🍾
Merr frymë thellë, mbaje pak, lëshoje deri në fund….. Miq, e di që jemi të mbushur me momente të vështira dhe se këto dy vite kanë qenë më sfiduesit ne jetën tuaj… Ndoshta dikush ka humbur një njeri të dashur…Ndoshta dikush prej jush mendon gjëra negative ose është i frikësuar për të ardhmen….
Po të them një sekret psikologjik: Ti mund ta riprogramosh trurin tënd nëse mendon për 3 gjëra për të cilat ti je mirënjohës. Nëse e bën këtë çdo ditë për 21 ditë me rradhë, ti mund të programosh trurin tënd për Sukses dhe Lumturi. Mirënjohja e zhduk inatin, Frikën, Xhelozinë… A nuk është kjo e mrekullueshme? Dhe ka vetem një gjë që ti ke mundësi të kontrollosh në jetën tënde: Ate që ndodh brenda teje. Dhe nëse e kontrollon atë, ti mund të kontrollosh gjithë botën tënde. Mendo një mrekulli që do të ndodhë në jetën tënde…Mendo dikë që ka nevojë për ty, dikë që do të shërohet, dikë që është i trishtuar, dikë që ke kohë pa e parë, ose dikë me të cilin ke kohë pa folur dhe që ndoshta ka kaluar aq shumë kohë sa asnjëri nga ju nuk e mban mënd pse nuk po flisni…
Bëje sot, shko takoje atë njeri. Merre në telefon, gjindju pranë.
Siç thotë dhe Markez… Ekziston gjithmonë një e nesërme dhe jeta na jep edhe mundësi të tjera që t’i bëjmë gjërat siç duhet, por nëse bëjmë gabime na mbetet vetëm e sotmja. E nesërmja nuk është e sigurt për askënd, si i ri, si i vjetër. Sonte mund të jetë hera e fundit që i shikon njerëzit që do. Prandaj mos prit më, bëje sot sepse e nesërmja nuk vjen kurrë. Sigurisht që do pendohesh për ditën kur nuk gjete kohë për një buzëqeshje, një përqafim, një puthje dhe sepse ishe shumë i zënë, për të realizuar një dëshirë të tyren. Mbaji ata që dashuron pranë vetes, thuaju duke mërmëritur se sa shumë ke nevojë për ta, dashuroji, sillu mirë, gjej kohën për ta, thuaju “më vjen keq”, “më fal” , “faleminderit” dhe të gjitha fjalët e dashurisë që di. Askush nuk do të të mbajë mend për mendimet e tua të fshehta…
Vendos sot te bësh një vepër të mirë që do të të ngrejë në një tjetër nivel. Diçka që vetëm kur e mendon, të bën të ndihesh krenar për veten, por që njëkohësisht të frikëson deri në palcë. Përballu me dhimbjen. Vendos standart të ri këtë vit. Mos u merr me idiotët, me negativët, me bastardët, me viktimat që vetëm të mbushin mendjen me ankesa dhe energji të keqe. Ngrihu nga ky nivel dhe kërko të marrësh më shumë nga kjo jetë. Por më parë, vendos çfarë do të japesh.
Të gjithë duam të shkojmë në parajsë por asnjëri nuk do të vdesë.
Vendos sot 3 qëllime për këtë vit, dhe premtoji vetes që do japësh më shumë se maksimumi jot që t’i realizosh këto qëllime. Por mos harro: Rëndësi nuk ka qëllimi. Rëndësi ka çfarë njeriu do të bëhesh ti për të arritur këtë qëllim. Gëzuar!
Shihemi në majë të suksesi. E.Mamaqi!
