Gazeta gjermane u bën thirrje lexuesve të shkojnë për të jetuar dhe punuar në Zvicër
Një artikull i fundit i botuar në gazetën e përditshme Die Welt, e promovon Zvicrën si një destinacion ëndrrash për punëtorët e kualifikuar nga Gjermania, përcjell albinfo.ch.
“Përveç pagave të larta, punonjësit përfitojnë edhe kontribute të ulëta të sigurimeve shoqërore”, sipas gazetës. “Në fund të muajit, zviceranëve u kanë mbetur më shumë para neto në xhepat e tyre sesa gjermanët.”
Artikulli citon edhe gjermanët që tashmë kanë emigruar në Zvicër.
“Pothuajse gjithçka është më mirë në Zvicër sesa në Gjermani,” tha njëri, ndërsa një tjetër vuri në dukje se “Zvicra është një lopë me para dhe kushtet e jetesës këtu janë ideale”.
