Gara e Motokrosit në Kamenicë, spektakël veror si asnjëherë më parë
Kamenica këtë verë është shndërruar në qendër të adrenalinës dhe emocioneve të fuqishme.
Me fillimin e ‘Kamenica Summer Fest 2025’, qyteti është mbushur me energji të qytetarëve për të parë nga afër aktivitetet e ndryshme që do të mbahen.
Kështu nisi edhe e diela me zhurma motorësh dhe dashamirës të sportit të motokrosit nga të gjitha anët e vendit dhe rajonit. Ky event, që për herë të parë u organizua në një shkallë kaq të madhe, solli në pistë garues të guximshëm nga Kosova dhe Maqedonia, të cilët matën forcat në një garë të zjarrtë, plot sfida dhe emocion.
Kryetari Kadri Rahimaj së bashku me Drejtorin e Kulturës, Behar Hyseni, hapën zyrtarisht garën e motokrosit, ku garuesit u nisën vrullshëm.
Nga hera e parë që motorët u ndezën e deri në përfundimin e garës, atmosfera ishte e jashtëzakonshme. Tifozë të shumtë, vendas e nga diaspora, mbushën anët e pistës për të përjetuar nga afër këtë spektakël që ndodhi nën rrezet e diellit të korrikut. Emocionet ishin të papërshkrueshme, pluhur, shpejtësi, kthesa të rrezikshme dhe kërcime spektakulare.
Pas përfundimit të garës Kryetari Kadri Rahimaj ka uruar fituesit që triumfuan.
“Urime të përzemërta fituesve të garës, të cilët me përkushtim dhe pasion treguan vlerat më të mira të këtij sporti, dhe faleminderit për atmosfetën. Ky ishte jo vetëm një triumf personal për ta, por edhe një festë për të gjithë komunitetin që u bë pjesë e kësaj ngjarjeje madhështore. Falemnderit Enduro Kamenica për bashkëpunimin. Diasporë bëhuni gati për aktivitete të shumta këtë verë”, ka thënë Kryetari Rahimaj.
Edhe Drejtori Hyseni ka uruar fituesit e kësaj gare duke thënë se pasioni i tyre për pistën u shëndrrua në garë të fortë me emocione.
“Urime për të gjithë fituesit dhe faleminderit që u ishit pjesë e kësaj gare. Na dhuruat emicione dhe adrenalinë të një gare të fortë. Kamenica ju pret me aktivitete të tjera gjatë gjithë verës”, ka thënë ai.
Ky aktivitet është mbështetur edhe nga Federata e motoçiklizmit të Kosovës
