Gagica: Aleanca në Gjermani është shndërruar në adresë të sigurt dhe të vetme politike për bashkatdhetarët tanë
Kreu i AAK-së , dega në Gjilan, Nazim Gagica, ka pritur në takim kryetarin e e kë tij subjekti pë r Gjermani, Ukë Blaka.
Gagica përmes rrjeteve sociale është shprehur i lumtur e i nderuar me vizitën e kryetarit të degëve të AAK-së në gjermani, i cili gjatë vizitës në selinë e AAK-së në Gjilan, ka qenë i shoqëruar nga biznesmeni e afaristi i sukseshëm Ilmi Mustafa. Në takim ka qene i pranishëm edhe ish-ministri, Ahmet Isufi.
“I nderuar të pres në takim në selinë e Aleancës në Gjilan, kryetarin e AAK-së për Gjermani, kryetarin në ardhje të Istogut, Ukë Blaka. Bashkë me ish-ministrin, Ahmet Isufi dhe me anëtarin e kryesisë së Aleancës në Gjilan, njëherit afaristin e suksesshëm në Gjermani, Ilmi Mustafa, u njoftuam nga kryetari Blaka për punën e madhe që po bëhet në Gjermani në shtrirjen dhe rritën e Aleancës atje”, ka thënë Nazim Gagica, kryetar i AAK-së, dega në Gjilan.
Sipas tij, Aleanca në Gjermani është shndërruar në adresë të sigurte dhe të vetme politike për bashkatdhetarët tanë.
“Vizioni ynë për shtet të sigurt, zhvillimor e integrues, e bënë Aleancës të pa konkurencë në Gjermani e kudo tjetër në Evropë. Ukë Blaka e Ilmi Mustafa si dhe shumë aktivistë të tjerë në Gjermani, janë më meritorët për këtë ndryshim pozitiv që Aleanca e ka bërë muajt e fundit në Gjermani. Faleminderit kryetar Blaka për vizitën e për kujdesin që keni në raport me Aleancën e me në të gjithë”, ka thënë Gagica i AAK-së.
