FSK ndez flakadanin për nder të Adem Jasharit dhe familjes Jashari
Forca e Sigurisë së Kosovës ka përmbyllur aktivitetet për shënimin e 28-vjetorit të Epopeja e UÇK-së me ceremoninë tradicionale të “natës së zjarreve”, e cila u mbajt në Kazermë Adem Jashari.
Gjatë ceremonisë u ndez flakadani përkujtimor në nder të komandantit legjendar Adem Jashari dhe familjes së tij, simbol i sakrificës dhe qëndresës për lirinë e Kosovës. Aktiviteti u zhvillua në një atmosferë solemne, ku pjesëtarë të FSK-së nderuan figurën dhe veprën e familjes Jashari, e cila konsiderohet themel i rezistencës dhe i lirisë së vendit.
“Nata e zjarreve” është një nga aktivitetet simbolike që organizohet çdo vit në kuadër të përkujtimit të Epopeja e UÇK-së, për të nderuar sakrificën e familjes së Adem Jashari dhe të gjithë dëshmorëve të rënë për lirinë e Kosovës.
Epopeja e UÇK-së përkujton qëndresën dhe rënien heroike të familjes Jashari në mars të vitit 1998 në Prekaz, ngjarje që u bë një nga momentet më të rëndësishme në historinë e luftës për çlirimin e Kosovës dhe simbol i sakrificës për liri.
