Foniqi: “Komuna e Gjilanit prezanton planifikimet buxhetore 2024-2026”
Komuna e Gjilanit, në vazhdën e Dëgjimeve Publike për planifikimet e buxhetit 2024/2026, organizon nëntë dëgjime me kategori të ndryshme të qytetarëve dhe grupeve të interesit, duke filluar nga data 24 deri më 29 gusht 2023.
Kështu ka njoftuar Ardian Foniqi, koordinator për konsultime nga Zyra e Kryetarit të Komunës, sipas të cilit, fillimisht, më 24 gusht, në ditën e parë të paraparë, do të mbahen dy prezantime.
Foniqi është shprehur decidiv se Komuna e Gjilanit është ndër komunat më transparente sa i përket konsultimeve publike.
“Tani për tani jemi në përfundim të tri projekteve të cilat kanë dalur nga vet qytetarët, dhe jemi në përfundim të realizimit të tyre. Ndërsa për vitin 2024 kemi gjithësej pesë projekte të cilat i kemi parapa edhe në buxhetin për periudhën 2024-2026”, ka thënë Foniqi.
Lexo edhe: Orari i dëgjimeve Publike për buxhetin 2024-2026
Foniqi ka bërë të ditur më tej se orari i konsultimeve është përgatitur dhe publikur në faqen e Komunës dhe në platforma tjera, duke vijuar me sqarime se konsultimet fillojnë më 24 gusht dhe zgjasin pesë ditë, deri më 29 gusht.
“Që nga paslufta deri më tani e vetmja qeverisje që ka marrë për bazë kërkesat e qytetarëve nga konsultimet publike, është kjo qeverisje aktuale, sepse, siç e potencova më parë, vetëm nga konsultimet kanë dalur shtatë projekte që po realizohen, e të cilat kanë dalur nga vet qytetarët. I ftoj të gjithë banorët e Gjilanit, profesionistët e arsimit, ata të kulturës, rininë, gratë e qytetit të Gjilanit, etj, që të marrin pjesë në konsultimet publike 2024-2026, sepse kryetari Hyseni është duke realizuarr të gjitha kërkesat që po dalin nga ato diskutime publike”, ka shtuar Foniqi.
Kordinator për konsultime nga Zyra e Kryetarit të Komunës, Ardian Foniqi ka folur edhe për rrjedhën e diskutimeve paraprake publike, të cilat i ka cilësuar të kënaqshme, ngase sipas tij në Bresalc kanë dalur dy projekte po nga ato konsultime të zhvilluara paraprakisht, e të cilat projekte janë parapa të realizohen në vitin 2024.
Edhe në Zhegër e Dobërçan kanë dalur kërkesa të projekteve që mëtohet të realizohen në vitin e ardhshëm, ndërsa nga takimet me gratë pensioniste ka dalur si nevojë për t’u realizuar si projekt një objekt ku ato do të qëndrojnë, sipas nevojave e kërkesave të tyre, ndërsa nga rinia ka dalur si kërkesë që t’u sigurohen uniformat për nxënës të klasëve të dhjeta, për të cilët komuna e Gjilanit është zotuar se do t’i realizoj… .
