Fluks i lartë në pikat kufitare – pritje nga 2 deri në 4 orë te Dheu i Bardhë dhe Merdar
Fluks i madh i automjeteve dhe pritje të gjata raportohen mëngjesin e sotëm nga pikë kalimet kufitare në Kosovë.
Sipas përditësimit të fundit (ora 08;19) nga Qendra Kombëtare për Menaxhim Kufitar, Merdarja mbetet pika me fluksin më të rënduar, ku koha e pritjes për të dalë nga Kosova shkon nga 3 deri në 4 orë, ndërsa kolona e automjeteve arrin në 3 kilometra.
Situatë pothuajse e ngjashme raportohet edhe te pika kufitare Dheu i Bardhë, ku pritjet për të dalë janë deri në 2 orë dhe kolona e automjeteve arrin 800 metra.
Edhe në pikën tjetër kufitare Mutivodë, pritjet janë deri në 2 orë dhe kolona arrin 400 metra.
Në pikat e tjera si Jarinje, Bërnjak, Hani i Elezit, Qafë e Morinës dhe Vermicë, lëvizjet janë thuajse normale, me pritje që variojnë nga 3 deri në 10 minuta, pa kolona të gjata.
Autoritetet u bëjnë thirrje qytetarëve të planifikojnë udhëtimet e tyre duke pasur parasysh këto vonesa. Informacionet për gjendjen në pikat kufitare mund ti gjeni KËTU.
