Komuna e Gjilanit ndihmon bujqit, filloi hapja e puseve të reja për nevojat bujqësore të fermerëve të komunës
Kryetari i Komunës së Gjilanit, Alban Hyseni ka bërë me dije se Komuna e Gjilanit, gjegjëishst Drejtoria për Bujqësi në bashkëpunim me bujqë të kësaj komune, ka filluan sot hapjen e puseve të reja nëpër ngastra kadastrale të bujqëve e fermerëve gjilanas.
“Kemi filluar hapjen e puseve të reja, si një nga nevojat primare bujqësore për fermerët tanë, duke i ofruar njëkohësisht zgjidhje të problemit të ujit të pijes. Burim Osmani nga fshati Cërnicë është vetëm njëri nga 46 fermerët përfitues të cilit iu mundësua hapja e pusit”, ka bërë me dije i pari i Gjilanit.
Sipas kryetarit Hyseni, përpos puseve që janë funksionalizuar deri tani, komuna ka marrë përsipër dhe po angazhohet maksimalisht që ky numër të rritet dhe të vazhdohet me hapjen e puseve të reja edhe për banorët e tjerë, bujqë e fermerë, të cilët kanë nevojë.
“Jemi gjithmonë pranë kërkesave të fermerëve”, ka thënë Alban Hyseni, Kryetar i Komunës së Gjilanit.
