Fehmi Fetahi: “Eni dhe investoni në Kosovë!”
Fehmi Fetahi është një emër unik e i përveçëm në sektorin e hotelierisë në Kosovë, duke u radhitur në mesin e biznesemenëve investitor tejet të suksesshëm në vendlindje, me një përvojë të fituar paraprakisht në Zvicër e gjetiu.
Shembulli i tij mund të merret si model shpresëdhënës se investimet në Kosovë, në vendlindje, kryesisht nga bashkëatdhetarë me punë në botën e jashtme, mund të jenë atraktive dhe fitimprurëse e rezultative, madje për shumë arsye, e me theks të vecantë për shkak të resurseve prodhuese që ofron ambienti, fuqisë adekuate punëtore etj.
Fehmi Fetahi, ka vite e vite që drejton me shumë sukses resorin turistik “Vali Ranch” në vendlindje, në Përlepnicë të Gjilanit. Përvoja e tij tashmë është një dëshmi autentike dhe unike e suksesit të jashtëzakonshëm investues, pavarësisht se ndokush mund të ketë dilema të investoj ne këtë rrafsh, pasi investitorët potencial gjithnjë preferojnë të investojnë në të sigurtë.
Por, sic edhe thotë shprehja e derivuar nga “Psikologjia e suksesit”, se “Nëse rrezikon ka mundësi me humb, por, nëse nuk rrezikon, me siguri ke me humbë!”, Fehmi Fetahi e përligjë këtë thënie të famshme investuese, pasi është pikërisht shembulli adekuat, madje më i mirë i suksesit, pas “rrezikut” që kishte ndërmmrrë fillimisht, me rastin e hapjes së biznesit vetanak, resorit “Vali RANCH”, për c’gjë tanimë, pas gati dy dekadave është përvec një brend unik, edhe adresë e të gjithë qytetarëve dhe bashkëtadhetarëve në katër stinët e vitit.
Resori “Vali RANCH”, përvec që ka dëshmuar atë që u tha më lart, duke ngritur prestigjin e vet pronarit e resorit, ka ngritur edhe reputacionin e regjionit, tashmë edhe si një destinacion atraktiv turistik.
Fehmi Fetahi, së fundi ka bërë një thirrje për të gjithë shqiptarët që jetojnë në diasporë – APEL – Thirrje me karakter të përgjitshëm – që të investojnë në Kosovë, me MOTO: “Bashkatdhetarë, ejani dhe investoni në Kosovë – nuk ka më mirë se në vendin tënd!”
E kjo thirrje dhe kjo MOTO, doemos duhet marrë seriozisht nga bashkëatdhetarët investitorë potencial, sidomos në rrafshin prodhues, sikurse edhe nga ana e komunitetit në Gjilan, Anamoravë e mbarë Kosovën, përshirë institucionet që me politika zhvillimore të krijojnë hapësirë të nevojshme e lehtësira byroktike investuese, në funksion të zhvillimit të shpejtë të vendlindjes, sic edhe shpërfaqet në MOTO të biznesmenit afarist, Fehmi Fetahi, pronar i resorit unik, ekskluziv e atraktiv – Vali RANCH Resort.
