Fansat nga Kosova detyrohen të zgjedhin Serbinë si rajon për të blerë biletat për finalen e Big Brother VIP Albania
Spektakli shumë i ndjekur Big Brother VIP Albania është përfshirë në një skandal të ri, pasi fansat kanë vënë re një problem shqetësues në faqen zyrtare të rezervimit të biletave.
Sipas reagimeve të shumta në Twitter, përdoruesit nga Kosova që përpiqen të bëjnë pagesën për të marrë pjesë në netët e spektaklit “Prime”, janë të detyruar të regjistrojnë rajonin e Serbisë për të përfunduar transaksionin.
Ky detaj ka ngjallur zemërim dhe pakënaqësi të madhe, duke ngritur dyshime mbi qasjen e organizatorëve ndaj publikut nga Kosova.
