Familja Kadriu nga Breznica e Bujanocit në Zürich të Zvicrës
Se mërgata shqiptare është në numër të konsiderueshëm, dëshmon kjo foto e shkrepur në Zurich të Zvicrës gjatë ditës së diel, 09 qershor 2024.
Siç mund të shihet, numri i bashkatdhetarëve në foto është mjaft i madh, dhjetëra e mbase qindra të pranishëm përtej blicit të fotoaparatit!
Për të zgjuar vëmendjen e lexuesit dhe audiencës tjetër në rrjete sociale mjafton të tregohet që në foto janë të përfshirë të rinjë të një familjeje nga Anamorava.
Në fakt bëhet fjalë për anëtarët e familjes Kadriu nga Breznica e Bujanocit të cilët prej kohësh jetojnë e veprojnë në Zvicër, shumica nga ta në Zurich.
Ajo që bie në sy e që zgjon kërshërinë e lexuesit dhe audiencës tjetër, të gjithë janë të rinjë ose i përkasin tashmë moshës së mesme.
Ndërsa për bashkëvendësit e miqtë e familjes është e ditur se thuajse të gjithë, apo shumica nga ta, kanë emigruar viteve 80-të, 90-të e më pas, ndërsa kanë krijuar familjet e tyre edhe në qendra e regjione tjera të shtetit Helvetik, jashtë Cyrihut, por edhe në shtetet tjera europiane, si Gjermani, Francë etj.
