Është pensionuar zyrtari i Komunës së Gjilanit, Milaim Musliu
Është pensionuar zyrtari i Komunës së Gjilanit, Milaim Musliu. Ai me këtë rast ka falënderuar kolegët e tij në Komunën e Gjilanit, si dhe gjithë miqtë e familjarët, duke shprehur admirimin e tij për vlerësimet që ka marrë.
“Të nderuar kolegë e kolege, miq e mikesha: dua t’iu falënderoj për urimet tuaja me rastin e ditëlindjes sime dhe pensionimit tim. Falë Ushtrisë Çlirimtare, falë Dëshmorëve e falë Invalidëve sot unë festoj dhe e permbylli një kapitull timin të punës në komunë për 25 vjet plus edhe disa vite tjera para lufte. Çdo herë e gjithë herë do te ndihem i privilegjuar e krenar me rrugëtimin tim deri sot. Po të më jepej edhe një herë rasti do e bëja të njëjtën rrugë, jo ndryshe për asnjë milimetër. Rrugëtimin tim nuk e kisha të vështirë sepse në çdo problem i shtroja vetes pyetjen; Ç’do të bënte Kryetrimi ynë në këtë rast dhe lehtë e gjeja zgjidhjen. Respekt gjithë atyre që kontribuan pë Lirinë e vendit tim!”.
Z. Musliu ka falënderuar edhe shokët e idealit, për vizitën enkas në ditëlindjen e tij, e njëherit për urimet e pensionimit.
“Falënderoj shokët e idealit që në këtë ditë të veçantë, në Ditën e Çlirimit të Gjilanit, më nderuan me një dhuratë për ditëlindjen dhe pensionimin tim”, ka shkruar poashtu në profilin e tij.
Me rastin e pensionimit të tij, z. Musliu është viztuar edhe nga kolegë nga Këshilli për Financim për Komunën e Gjilanit, që lidhej me arsimin shqip të të 90-ve.
“Të nderuar miq e mikesha, sot pata nderin e kënaqësinë të pres në vizitë me rastin e pensionimit tim ish-kolegët e ish-Këshillit për Financim të komunes së Gjilanit. Për ata që nuk kanë njohuri, ky Këshill për 10 vite ka mbledhur mjete financiare per shkollën shqipe. Respekt të pa fund të gjithë kolegëve për punën që kanë bërë dhe qytetarëve që na janë përgjegjur!”, ka shkruar ai poashtu në rrjete sociale.
