Emergjenca e Gjilanit nis punën në objektin e Gjinekologjisë
Nga sot, 16 shtator 2025, ora 15:00, Shërbimi i Emergjencës në Gjilan ka filluar të funksionojë në objektin e Gjinekologjisë, në katin e parë, hyrja e parë kryesore.
Qytetarët e Gjilanit, Anamoravës dhe rrethinave më të gjera tani do të mund të marrin shërbimet emergjente në këtë lokacion të ri, i cili synon të përmirësojë qasjen dhe organizimin e ndihmës së shpejtë.
Objekti i Gjinekologjisë ofron shërbime të ndryshme mjekësore, duke përfshirë Gjinekologji dhe Akusheri, Neonatologji, Kirurgji, Ortopedi, sallat operative, si dhe ORL, Oftalmologji, Urologji, Patologji dhe ÇEV, duke siguruar që pacientët të marrin kujdes të plotë në një vend të vetëm.
