Ekskluzive! /Shqipëria anulon turneun në Algjeri për shkak të trajnerit Sylvinho
Shqipëria nuk do të marri pjesë në turneun e futbollit qe do të zhvillohej në Alergji nga 18 deri më 26 mars.
Ky kompeticionin organizohet nga FIFA dhe fillimisht Federata Shqiptare e Futbollit kishte dhënë pëlqimin për të konkurruar së bashku me Algjerinë, Afrika e Jugut dhe Bolivin.
Por, mësohet ekskluzivisht se trajneri Sylvinho është kundër pjesëmarrjes në këtë turne, pasi kërkon të përballet me ekipe evropiane.
Shqipëria ndodhet në grupin e hekurt me Italinë, Spanjën dhe Kroacinë dhe trajneri brazilian dëshiron të zhvillohej miqësore me kombëtare e Kontinentit të Vjetër, që do t’i shërbejnë më tepër kur të filloj Evropiani “Gjermani 2024”.
FSHF ende nuk ka dhënë një përgjigje përfundimtare, por burime mediale bëjne të ditur se fjala e Sylvinho është përcaktuese.
Kështu Federata po punon për të gjetur kundërshtar për datat e lira të FIFA-s, në mars dhe rivali i parë i mundshëm është Hungari.
Përveç dy miqësoreve që Shqipëria do të zhvilloj në mars, trajneri Sylvinho do të ketë edhe dy teste të tjera në fundin e muajit maj, ku braziliani do të vendos edhe për ekipin që do të marr me vete në Evropian.
