Edhe Gjilani në balotazh, kaq vota morën Hyseni e Ismajli
Komisioni Qendror i Zgjedhjeve ka numëruar të gjitha kutitë e votimit në qytetin e Gjilanit.
Sipas të dhënave zyrtare të KQZ-së, edhe Gjilani do të shkojë në balotazh.
Rezultatet tregojnë se Alban Hyseni nga Lëvizja Vetëvendosje ka marrë 49,74 për qind të votave, ose 21 mijë e 463 vota, ndërkaq Arbër Ismajli nga Lidhja Demokratike e Kosovës ka arritur që të mbledhë gjithsej 14 mijë e 761 vota, ose 34,24 për qind.
Pra në Gjilan më 9 nëntor gara do të zhvillohet ndërmjet Lëvizjes Vetëvendosje dhe Lidhjes Demokratike të Kosovës.
