E kishte porositur para një muaji, Zhegrova pranon dhuratën e ditëlindjes | ‘Ferrari’ me vlerë gjysmë-milioni Euro!
Futbollisti i Kombëtares së Kosovës, Edon Zhegrova sot feston ditëlindjen e tij të 24-të.
E me rastin e ditëlindjes, ai bëri të ditur se ka pranuar tashmë dhuratën luksoze, të cilën ai ia ka bërë vetes, shkruan LIG Sport.
Bëhet fjalë për një makinë të tipit “Ferrari” që kap çmimin e më shumë se 500 mijë euro, për të cilin Zhegrova ka publikuar foto edhe para katër javësh.
“Sapo e mora për ditëlindjen time”, shkroi 24-vjeçari krahas një fotografie të publikuar në llogarinë e tij zyrtare në “Instagram”.
Kujtojmë që Zhegrova shënoi një gol në ndeshjen e Kombëtares së Kosovës kundër Andorrës në rrugë për Euro 2024.
