Dyshohet për sulm seksual në ashensorin e një banese në Prishtinë, aktakuzë ndaj të dyshuarit
Një person i cili dyshohet se ka kryer veprën penale “sulm seksual”, në Prishtinë i cili ishte paraqitur vet në polici pas publikimit të fotografisë së tij, ndaj tij Prokuroria ka ngritur aktakuzë për caktimin e masës së paraburgimit.
Lajmin për Telegrafin e ka bërë të ditur zëdhënësja e Prokurorisë Themelore në Prishtinë, Laureta Ulaj.
“Prokurori i Shtetit ka ngritur aktakuzë me propozim për caktimin e masës së paraburgimit ndaj të pandehurit, për shkak të veprës penale ‘Sulmi seksual’, pranë Gjykatës kompetente”, ka thënë Ulaj.
Ndryshe, në raportin 24 orësh të Policisë së Kosovës ishte bërë e ditur se i dyshuari pas publikimit të fotografisë së tij ishte paraqitur vet në stacionin policor.
“Lidhur me rastin me datë 04 prill 2023 pas publikimit të fotografisë së të dyshuarit mashkull kosovar në rrjete sociale, i dyshuari është paraqitur në stacion policor. Me vendim të prokurorit i dyshuari është arrestuar dhe dërguar në mbajtje”, thuhet në raport.
Siç merr vesh rasti i sulmit seksual ka ndodhur në ashensorin e një banese në Prishtinë.
