Drejtori i Drejtorisë rajonale të Policisë Gjilan pret në takim pune zëvendës komandantin e KFOR-it
Gjilan, 13 shtator 2023 – Drejtori i Drejtorisë rajonale të Policisë së Kosovës në Gjilan Kolonel Agron Rukiqi me staf në ambientet e Drejtorisë rajonale të Policisë Gjilan, ka pritur në takim zëvendës komandantin e KFOR-it Gjeneral Brigade József Szpisják me stafin e tij.
Gjatë këtij takimi përveç u diskutuan tema të ndryshme që lidhen me fushën e sigurisë si dhe të vazhdimit të bashkëpunimit të ndërsjellë në mes të Drejtorisë Rajonale të Policisë Gjilan dhe KFOR-it. Nga të dyja palët situata e sigurisë u vlerësua e qetë dhe stabile.
Kolonel Rukiqi ka falënderuar Z. Szpisják për angazhimin e tyre në mbështetje të Policisë së Kosovës duke e cilësuar si një mision të rëndësishëm në fushën e sigurisë.
