Donjeta Sadiku shpallet kampione ballkanike
Donjeta Sadiku është shpallur kampione e Ballkanit, duke fituar medaljen e artë.
Kosova e mbylli këtë turne me pesë medalje të fituara në Kampionatin Ballkanik Albena 2023.
Sot në finale të Kampionatit Ballkanik në Albena të Bullgarisë në ring për titullin të Kampiones Ballkanike u paraqit Donjeta Sadiku kundër ukrainases Dovgal Tetiana.
Donjeta bëri boks të mirë gjatë tri raundeve dhe shpesh e solli në gjendje të palakmueshme kundërshtaren dhe në raundin e dytë shkaktoi nokaut teknik, dhe me rezultat unanim u shpall fituese dhe u stolis me medalje të artë dhe titull “Kampione Ballkanike 2023”.
Kosova në Kampionatin Ballkanik Albena 2023 fitoi në total pesë medalje: Një të artë (Donjeta Sadiku) dhe katër të bronzta – Bashkim Bajoku në kategorinë deri në 54 kilogramë, Shpetim Bajoku deri në 67 kilogramë, Patriot Behrami deri në 71 kilogramë dhe Taulant Jakupi deri në 86 kilogramë.
Po ashtu gjyqtari ndërkombëtar Latif Demolli u shpërblye me mirënjohje për ndarje të drejtësinë në këtë Kampionat Ballkanik.
