Donald Trump nën aktakuzë për shantazh, mund edhe të arrestohet
Donald Trump është paditur nga një juri e madhe në Manhattan, duke shënuar herën e parë në historinë amerikane që një president aktual apo ish-president përballet me akuza penale.
Ish-presidenti i Shteteve të Bashkuara të Amerikës, Donald Trump, do të akuzohet për pagesat e parave të fshehura që janë bërë ndaj një ish-aktoreje amerikane e filmit pornografik pak para zgjedhjeve presidenciale të vitit 2016.
Siç ka raportuar BBC, detajet e akuzave me të cilat do të përballet ende nuk janë bërë të ditura, por që ka gjasa të arrestohet në ditët në vijim.
Një juri e madhe ka votuar për ta paditur atë për akuza penale, pasi është hetuar një pagesë prej 130 mijë dollarë për aktoren Stormy Daniels në një përpjekje për të blerë heshtjen e saj për një aferë të dyshuar.
Trump, tashmë zyrtarisht raportohet të jetë presidenti i parë amerikan që përballet me akuza, të cilat edhe ai vetë i mohon t’i ketë bërë.
Githashtu, kujtojmë se ai është duke u hetuar edhe për disa raste të tjera.
Vendimi me siguri do të dërgojë valë tronditëse në të gjithë vendin, duke e shtyrë sistemin politik amerikan – i cili kurrë nuk ka parë një nga ish-udhëheqësit e tij të përballet me akuza penale, e lëre më të kandidojë sërish për president – në ujëra të paeksploruar.
Trump lëshoi një deklaratë në përgjigje të aktakuzës duke pretenduar se ishte “Përndjekje Politike dhe Ndërhyrje në Zgjedhje në nivelin më të lartë në histori”.
