Doktorët gjilanas kryejnë opeacion të rrallë, doktor Besim Guda tregon “fill e për pe” për rastin
Doktorët gjilanas kryejnë opeacion të rrallë, me përvojë gjermane ia heqin tumorin 9-10 cm pacientit,
Doktori Besim guda tregon “fill e për pe” për rastin. Tha se ishte një kontribut modest nga ana e tij, por i rëndësisë vecnatë për rastin e vecantë të mjekëve të vecantë me përvojën e tyre profesionale!
Doktor Guda ka treguar në mënyrën e tij që karakterizohet me optimizmi e zakonshëm që e identifikon, se më datë 26 mars 2025, në ora 7:30h, është ftuar me urgjencë në sallën e operacionit të repartit të kirurgjisë.
“Kishin një konsultë kardiologjike para operatore. Pacienti priste vetëm mendimin tim për t’u futur në sallë operatore. Ishte një konsultë rutinore të cilën e perfundova shpejt, por nga anamneza e pacietit kuptova se kishim një rast të vecantë për operacion, një diagnozë të cilën më parë nuk e operonim në Spitalin e Përgjithshëm të Gjilanit”, ka shkruar fillimisht Dr. Guda në faqen e tij në rrejte sociale.
Ai më tej ka folur për rrjedhën e intervenimit nga ekipi i mjektëve të Spitalit të Gjilanit, disa nga të cilët tashmë kishin marrë një përvojë ndërkombëtare.
“Ekipi operator i udhëhequr nga Dr. Kushtrim Qerimi, kirurg i përgjisthshem, i sapo kthyer nga Gjermania, me një përvojë mbi 10-vjecare në sallat e Kirurgjisë në Gjermani, pastaj Dr. Alban Bislimi, kirurg i përgjithshëm në Spitalin e Përgjithshëm të Gjilanit, poashtu me pervojë Gjermane, si dhe Dr. Vlora Demolli – Ajeti, kirurge e përgjithshme në SP të Gjilanit, do të largonin një tumor të rektumit tek një pacient mashkull, në largësi 9-10 cm nga linea ani, me metodën: transanale/transrektale Excison in toto”, shtoi më tej në rrëfimin e tij Dr. Guda.
Ai shkroi edhe për konsolidimin e ekipit të mjekëve me specialistë të tjerë nga fushat përkatëse të mjekësisë, për ta plotësuar konsoliumin para intervenimit.
Sipas tij, ekipit iu bashkuan edhe Dr. Arber Morina dhe Dr. Sevdail Mustafa, ndërsa anestezionin e udhëhoqi dr. Selami Kurteshi. Duhet përmendur edhe instrumentaret, Sofijen dhe Fatjonen.
“Operacioni kaloi si është më së miri. Pas operacionit pacienti ndihet mirë. Edhe në vizitën e një dite më vonë ai vazhdon të jetë me parametra stabil”, vijoi më tej shkrimin ai.
Sipas tij, ky është një tregim për shpresën që ka ky vend, me djemtë dhe vajzat e reja profesionistë që ka, të cilët sipas tij do të bartin barrën e madhe të ecjes përpara.
Thonë “Zoti ta mbyll një derë, por t’i hapë dy tjera”. Është e vështirë për mjekët tanë të shkojnë në Gjermani, të adaptohen atje, të marrin zanatin dhe të vazhdojnë të punojnë në një vend të huaj. Por ja, ka disa prej tyre, të paktë në të vërtetë – por që gjejnë forcë dhe kthehen në vendlindje. Sa krenar me ta. Sa Kushtrima ka Kosova?!”, përfundon tregimin mbresëlënës Dr. Besim Guda me një pikëpyetje e pikqëcuditëse, përnjëherë!
