Diell e vranësira sot, pasdite rrebeshe shiu

Mot jostabil po parashihet edhe për ditën e martë, ku do të dominojnë vranësirat, me kushte për zhvillime të rrebesheve të shiut dhe bubullimave orëve të pasdites.

Në zona më të larta malore, mund të ketë edhe rrebeshe dëbore. Era frynë e lehtë dhe mesatare nga jugperëndimi 4-10m/s. Temperaturat minimale zbresin në 5C e 6C, e ato maksimale ditën shkojnë deri në 11C e 12C.

Mundësi për të reshura lokale shiu na paraqiten edhe ditën e mërkurë dhe të enjte, kryesisht orëve të pasdites. Temperaturat maksimale deri në 11C e 13C. Më shumë intervale me diell priten ditën e premtë dhe të shtunë, derisa temperaturat shënojnë një rritje deri në 14C e 15C, njofton Prishtina Weather.