Dhoma për Promovim dhe Edukim Shëndetësor në QKMF, ofron shërbime profesionale për pacientët
Në Qendrën Kryesore të Mjekësisë Familjare Dr. Nagip Rexhepi” në Gjilan, funksionon Dhoma për Promovim dhe Edukim Shëndetësor.
U. d i drejtorit të QKMF-së Basri Kamberi, tregon se kjo dhomë është e dedikuar për pacientët me sëmundje kronike si diabeti, astma dhe hipertensioni.
“Ftojmë të gjithë pacientët që jetojnë me këto sëmundje të paraqiten çdo ditë pune nga ora 07:00 – 14:00, për të përfituar shërbime profesionale që ndihmojnë në menaxhimin sa më të mirë të gjendjes së tyre shëndetësore dhe në përmirësimin e cilësisë së jetës”, tha doktori Basri Kamberi.
U. d i drejtorit të QKMF-së, theksoi se në kuadër të kësaj dhome ofrohen këshillime profesionale për menaxhimin e diabetit, hipertensionit dhe astmës.
Po ashtu ofrohet edukimi mbi mënyrën e jetesës së shëndetshme dhe aktivitetin fizik.
Te kjo dhomë ofrohen edhe udhëzime për përdorimin korrekt të terapisë dhe monitorimin e rregullt të shëndetit.
U. d i drejtorit, Basri Kamberi, tregoi se në Dhomën për Promovim dhe Edukim Shëndetësor të QKMF-së, ka plane individuale ushqimore sipas kategorisë së sëmundjes dhe mbështetje për parandalimin e komplikimeve.
