Dhjetëra autobusë në drejtim të Prishtinës, edhe pak fillon Marshi për Drejtësi
Sot nga ora 14:00 është planifikuar nisja e “Marshit për Drejtësi” e organizuar për të kërkuar drejtësi për ish-krerët e Ushtrisë Çlirimtare të Kosovës të cilët ndodhen në paraburgim në Hagë.
Qytetarët kanë filluar të mblidhen te sheshi “Zahir Pajaziti” në Prishtinë, për të marshuar drejt sheshit “Skënderbeu”, ndërkohë që dhjetëra autobusë nga të gjitha qytetet janë nisur në drejtim të kryeqytetit.
Njëra nga organizatoret, Eliza Hoxha dje tha se për këto dy javë sa është bërë fushata për organizim, ftesat për pjesëmarrje kanë gjetur përkrahje të jashtëzakonshme.
