Dështon votimi i komisionit për përzgjedhjen e drejtorëve të shkollave
Për herë të dytë radhazi, Kuvendi Komunal, në mbledhjen e saj nuk votoi për futjen në rend të ditës dhe as në votim propozimin e Drejtorisë Arsimit, për emërimin e komisionit për përzgjedhjen e drejtorëve dhe zëvendësdrejtorëve të shkollave.
Kryetari i Komunës së Gjilanit, Alban Hyseni, tha se ka dështuar, për të dytën herë, votimi për themelimin e komisionit për përzgjedhjen e drejtorëve të shkollave.
Sipas tij mandatet e drejtorëve aktual, skadojnë më 13 qershor. Komisioni i propozuar tash e dy muaj, ka këta anëtarë: Arsim Bejtullahu – drejtor në SHFMU “Abaz Ajeti”
Luan Kastrati – zyrtar në DKA. Një përfaqësues i propozuar nga MAShTI.
“Kam shpresuar shumë në reflektim të shpejtë për të mos bllokuar procesin jetik për shkollat”, tha kryetari Hyseni.
