Dështon Simiq, për të tretën herë radhazi nuk arrin të zgjidhet nënkryetar i Kuvendit
Sot në ora 10:00 ka nisur seanca konstituive e Kuvendit të Kosovës për zgjedhjen e nënkryetarit nga komuniteti serb.
Seanca vjen pas vendimit të fundit të Gjykatës Kushtetuese lidhur me konstituimin e Kuvendit të Kosovë.
Lista Serbe ka nisur procesin e propozimit të kandidatëve për postin e nënkryetarit të Kuvendit.
Kandidati i parë i propozuar nga kjo parti, Slavko Simiq, u nominua tri herë radhazi, por nuk arriti të sigurojë votat e nevojshme për t’u zgjedhur.
Procesi po vazhdon me propozimin e emrave të tjerë nga Lista Serbe.
