Deri në 11:00, mbi 23 mijë votues më shumë sesa në të njëjtën kohë në zgjedhjet e vitit 2021
Kryetari i Komisionit Qendror të Zgjedhjeve, Kreshnik Radoniqi, tha në një konferencë për media se deri në orën 11:00 kanë votuar 169 mijë e 32 votues, ose 8,58%.
Krahasuar me zgjedhjet e fundit të vitit 2021, këtë herë ka 23 mijë e 382 votues më shumë deri në të njëjtën orë.
“Duke u mbështetur në të dhënat, nga 2 mijë e 343 vendvotime nga gjithsej 2 mijë e 533, deri në orën 11:00 kanë votuar 8.58%, ose 169,032 votues. Deri në të njëjtën kohë, në zgjedhjet e parakohshme për Kuvendin e Kosovës të vitit 2021 kishin votuar 8.30%, apo 145.650 votues”, tha Radoniqi.
Ai tha se nga komisionet komunale të zgjedhjeve janë informuar se “procesi i votimit është duke vijuar normalisht dhe nuk është paraqitur ndonjë problem”.
