Delegacioni turk zbarkon në Gjilan – Ansambli “Gjilani” në qendër të bashkëpunimit kulturor
Gjilan, 25 mars – Një delegacion nga Bursa e Turqisë ka vizituar sot Gjilanin, duke zhvilluar takime të rëndësishme me përfaqësues institucionalë dhe kulturorë, me fokus forcimin e bashkëpunimit në fushën e kulturës.
Fillimisht, mysafirët janë pritur nga kryetari i Komunës së Gjilanit, Alban S. Hyseni, ku është diskutuar për zgjerimin e bashkëpunimit ndërmjet dy qyteteve, veçanërisht në projekte kulturore.
Më pas, delegacioni ka vizituar Ansamblin e Këngëve dhe Valleve “Gjilani”, ku është njohur nga afër me punën, traditën dhe aktivitetet artistike të këtij institucioni të rëndësishëm kulturor.
Në mesin e delegacionit turk nga Bursa ishin Hüseyin Özkan, Nesrin Çakıroğlu Aksit dhe Gülçin, të cilët shprehën interes për bashkëpunim të vazhdueshëm në promovimin e kulturës dhe trashëgimisë.
Përfaqësuesit e Ansamblit “Gjilani” vlerësuan këtë vizitë si një hap të rëndësishëm drejt krijimit të urave të reja të bashkëpunimit kulturor ndërkombëtar, duke theksuar rëndësinë e shkëmbimeve artistike dhe projekteve të përbashkëta.
Nga të dyja palët u shpreh gatishmëri për thellimin e bashkëpunimit dhe realizimin e iniciativave të reja në të ardhmen.
Postimi i plotë nga Ansambli “Gjilani”:
Ansambli i Këngëve dhe Valleve “Gjilani” pati kënaqësinë të mirëpresë sot në ambientet e tij mysafirë të nderuar nga Bursa, të cilët paraprakisht zhvilluan një takim edhe me Kryetarin e Komunës së Gjilani, Alban S. Hyseni.
Një falënderim i veçantë shkon për Kryetarin Alban Hyseni për ftesën që të jemi pjesë e këtij takimi të rëndësishëm së bashku me mysafirët nga Turqia, duke krijuar ura të reja bashkëpunimi në fushën e kulturës.
Në mesin e mysafirëve ishin Hüseyin Özkan, kryetar i Komisionit për Ballkan në qytetin e Bursës, Nesrin Çakıroğlu Aksit, kryetare e shoqatës “Bursa Olympus”, e angazhuar në fushën e kulturës dhe edukimit të fëmijëve, njëkohësisht edhe biznesmene e suksesshme në Turqi, si dhe znj. Gülçin, anëtare e komisionit në “Bursa Olympus”.
Gjatë vizitës në ansambël, mysafirët u njohën nga afër me aktivitetet tona artistike, traditën dhe përkushtimin që Ansambli “Gjilani” ka në ruajtjen dhe promovimin e kulturës sonë.
Shprehim mirënjohjen tonë të sinqertë për vizitën dhe mbështetjen e vazhdueshme, si dhe falënderojmë në veçanti z. Hüseyin Özkan për bashkëpunimin e gjatë dhe të frytshëm me Ansamblin “Gjilani”.
Me shpresë për projekte të reja dhe bashkëpunime edhe më të suksesshme në të ardhmen!
Me respekt,
Ansambli “Gjilani”
Ansambli Gjilani
Drejtoria për Kulturë Rini dhe Sport – Gjilan
Komuna e Gjilanit
Afrim Haziri
