Deklarata e ambasadës së ShBA-së në Prishtinë.
Shtetet e Bashkuara te Amerikes i janë mirënjohëse Kosovës për rolin e saj në ndihmën me detyrën e madhe të zhvendosjes së dhjetëra mijëra qytetarëve afganë në Shtetet e Bashkuara dhe në vende të tjera, përfshirë partnerët e NATO -s, që u kanë ofruar shtëpi të përhershme afganëve të rrezikuar. Roli i Kosovës në këtë përpjekje është një kontribut i madh ndaj dhembshurisë dhe bujarisë së njerëzve të saj dhe rolit në rritje të Kosovës në skenën globale. Procesi përmes të cilit afganët aplikojnë për viza të veçanta emigruese ose status refugjati në SHBA është mjaft kompleks, dhe disa aplikantë janë ende në procesin e marrjes së dokumenteve të nevojshme dhe sigurimit të të gjithë informacionit të kërkuar për t'u kualifikuar sipas ligjit amerikan për hyrje të menjëhershme. Disa raporte të mediave kanë lënë lexuesit me përshtypjen e pasaktë se Shtetet e Bashkuara synojnë të transferojnë në Kosovë individë të cilët autoritetet amerikane i kanë konsideruar të papranueshem për Shtetet e Bashkuara te Amerikes. Mirepo ky nuk është qëllimi. Marrëveshja midis Shteteve të Bashkuara dhe Kosovës i lejon Shtetet e Bashkuara të presin përkohësisht në Camp Bondsteel, një numër të kufizuar qytetarësh afganë, aplikimet e të cilëve kërkojnë përpunime shtesë. Kjo mund të përfshijë detyra të tilla si sqarimi i identitetit të aplikantëve, historia e punësimit ose lidhje të tjera me Shtetet e Bashkuara. Oficerët e Ambasadës Amerikane në Kosovë jane duke ndihmuar me procesin. Burimi:https://xk.usembassy.gov/st942021/? fbclid=IwAR1fNtZhW4IKP9zViDnbKjK2qEI1pYQ6mzbHO2vuHfQrpPtBOaPO_d_fqi8
