Dega e PDK-së në Gjilan kritika ndaj qeverisjes komunale, – “7 javë 7 papërgjegjësi skandaloze”
Dega e PDK-së në Gjila ka adresuar kritika në adresë të qeversijes komunale, duke potencuar intensifikimin e aktiviteteve të saj në adresime e rekomandime, si dhe sygjerime e kritika karshi qeverisjes komunale.
“Ne jemi zotuar se ditëve në vijim, do të jemi aktivë dhe do ta japim kontributin tonë si degë përmes rekomandimeve, sygjerimeve dhe kritikave karshi kësaj qeverisje komunale. Ka kaluar mbi një muaj, kurse 5 drejtorë të shkollave (dy nga shkollat e mesme dhe tre nga shkollat fillore), punojnë pa kontratë. Këta drejtorë kanë kaluar vlerësimin e performancës nga Komisioni i DKA-së dhe nga inspektorët e jashtëm. Presioni i të parit të komunës dhe drejtoreshës së DKA-së është i tmerrshëm. Sipas burimeve, kryetari i komunës shkon aq larg saqë të vetmen grua drejtoreshë (nga 5 të sipërpërmendurit) me titull Doktor i Shkencave Arsimore, dhe të vlerësuar maksimalisht nga komisionet për vlerësim të performancës, për vazhdimin e kontratës edhe për 4 vite në njërën nga shkollat më të mëdha të Komunës së Gjilanit SHFMU “Thimi Mitko”, tash e mbi një muaj e mban pa kontratë. Madje edhe atëherë kur i përgatit kontratën, pa dakordim, njëanshëm i ofron kontratë të përkohshme 6 mujore në një shkollë fshati”, thuhet vec tjerash.
Adresimi i plotë:
7 javë 7 papërgjegjësi skandaloze
Drejtorë shkollash pa kontratë
Ne jemi zotuar se ditëve në vijim, do të jemi aktivë dhe do ta japim kontributin tonë si degë përmes rekomandimeve, sygjerimeve dhe kritikave karshi kësaj qeverisje komunale.
Ka kaluar mbi një muaj, kurse 5 drejtorë të shkollave (dy nga shkollat e mesme dhe tre nga shkollat fillore) punojnë pa kontratë. Këta drejtorë kanë kaluar vlerësimin e performancës nga Komisioni i DKA-së dhe nga inspektorët e jashtëm.
Presioni i të parit të komunës dhe drejtoreshës së DKA-së është i tmerrshëm.
Sipas burimeve, kryetari i komunës shkon aq larg saqë të vetmen grua drejtoreshë (nga 5 të sipërpërmendurit) me titull Doktor i Shkencave Arsimore, dhe të vlerësuar maksimalisht nga komisionet për vlerësim të performancës, për vazhdimin e kontratës edhe për 4 vite në njërën nga shkollat më të mëdha të Komunës së Gjilanit SHFMU “Thimi Mitko”, tash e mbi një muaj e mban pa kontratë. Madje edhe atëherë kur i përgatit kontratën, pa dakordim, njëanshëm i ofron kontratë të përkohshme 6 mujore në një shkollë fshati.
Krejtësisht veprim e formë jashtëligjore.
Ky kryetar, në vend që t’i inkurajojë gratë që sa më shumë të konkurrojnë edhe në pozita menaxheriale e t’i përkrahë, ai përkundrazi, përmes presionit përdorë të gjitha mekanizmat që t’i demotivojë, zhgënjejë dhe detyrojë të japin dorëheqje.
Ndërkaq drejtoresha e DKA-së, e përhumbur në këto procese më së paku brengoset për dështimet dhe rënien e cilësisë, e për më keq, ajo vazhdimisht merret me përmbushje të kërkesave të kryetarit dhe militantëve partiak, e nuk po arrin të jetë fare në dijeni për zhvillimet tjera brenda DKA-së.
Kjo u vu re edhe në seancën e fundit të Kuvendit Komunal, kur u pyet se pse disa shkolla nuk janë pajisur me rafte për nxënës, të cilat është dashur të pajisen vitin e kaluar?!
Në mungesë informate u përgjigj shkurt, se kinse javën e parë të muajit shkurt do të pajisen edhe shkollat në fjalë.
Siç e dijmë të gjithë, kjo nuk ka ndodhur.
Ne si subjekt politik të përgjegjshëm e institucionalist, do të kujdesimi që jo vetëm këto shkelje, por të gjitha papërgjegjësitë e veprimet dashakeqëse të shtjellohen e të kërkohet llogari përherë
