Dalin pamje nga shpërthimi në Prishtinë, raportohet se cak i sulmit ishte reperi Noga
Një shpërthim ka ndodhur sot në rrugën “Zekirja Cana” në Prishtinë. Shpërthimi që sipas dyshimeve të para erdhi si pasojë e një granate dore ka ndodhur rreth orës 07:00 të mëngjesit, kanë konfirmuar nga Policia e Kosovës për gazetën online Reporteri.
Për pasojë disa vetura u dëmtuan, ndërsa dëme në njerëz nuk ka pasur.
Siç raportohet nga media qendroere, cak i sulmit ishte reperi Agon Abdullahu, i njohur si Noga.
Nga pamjet e publikuara shihet vetura në fjalë, e cila ka pësuar dëmtime, por edhe veturat e tjera.
Rruga është bllokuar për lëvizje ndërkaq njësia për menaxhimin e mjeteve shpërthyese ka bërë pastrimin e terrenit.
