Cili është besimi juaj fetar – ASK fton qytetarët që të raportojnë nëse abuzohet në pyetësorin për regjistrim

Këtë muaj ka filluar procesi i regjistrimi të popullsisë në Kosovë dhe për herë të parë në këtë regjistrim do të marrin pjesë edhe qytetarë nga komuniteti serb në komunat në veri të vendit, ani pse kjo gjë kundërshtohet nga Lista Serbe. Regjistruesit e Agjencisë së Statistikave të Kosovës (ASK) po vizitojnë zonat e banimit dhe banesat, apo shtëpitë e qytetarëve për të marr përgjigjet nga ta.

Një pyetje ka shkaktuar paknaqësi dhe ankesa tek qyetetarët, shkruan Periskopi.

Shumë qytetarë janë ankuar e ka edhe nga ata që janë shprehur edhe në rrejte sociale, si ‘Facebook’ e ‘Instagram’ etj.

Sipas tyre regjistruesit po i lënë të hapura rubrikat në pyetjen, “Cili është besimi i juaj fetar?, duke pretenduar se të njëjtit po i potësojnë më pas vet.

Sh. D përmes një postimi në Facebook, ka treguar se si është ballafaquar me një  problem të tillë.

Më pas, në rubrikën e komenteve janë lajmëruar edhe persona të tjerë të cilët kanë shprehur frustrimin që e njëjta gjë po ju ndodhë edhe atyre.

– “Nese s’deklarohesh me automatizem të identifikojnë si “feja islame”, thotë një komentues.

-“ Regjistrimi po bëhet si në mjegull , pa pregaditje adekuate të regjistruesve ( po du me besu që është mungesë e pregaditjes , mungesë e vullnetit për me ba punë të mirë , e jo agjendë tjetër) pa njoftim edukues për shumicën e popullatës që nuk e kuptojnë rëndësinë e deklarimit të nacionalitetit vs fesë , pa vullnet për të trajtuar regjistrimin e popullatës si një instrument ndihmës për përcaktimin e politikave publike”, ka shkruar një komentues tjetër.

-“Po kom përshtypjen se këtë herë po shkojnë me moton ”shkel e shko”, thotë një qytetarë.

Çka thotë ASK-ja për këtë?

Pas këtyre ankesave që qytetarët po shprehin, Periskopi ka dërguar pyetje drejt Agjencisë së Statistikave të Kosovës (ASK).

Në një përgjigje me shkrim për Periskopin, nga ASK thonë se ende nuk kanë marr ndonjë ankesë nga qytetarët për këtë çështje, derisa shtojnë se “Pyetja për religjionin: Cili është besimi juaj fetar? Sipas Kushtetutës së Republikës së Kosovës, qytetari ka të drejtë të mos përgjigjet (“opsioni: Preferoj të mos përgjigjem”) dhe kjo është e klikueshme në tablet. Dhe qytetari mund të kërkoj nga regjistruesi ta shoh në tablet nëse është plotësuar sipas deklarimit të tij/saj”.

“Derisa ne si ASK nuk kemi marrë asnjë ankesë nga qytetarët në lidhje me këtë, nuk kemi se si të marrim masa. Sidoqoftë, në rast se ndonjë qytetar has në situatë të tillë apo në çfarëdo parregullsie tjetër, mund ta kontaktojë ASK-në, në mënyrë që të ndërmerren veprimet e duhura, konform rregulloreve në fuqi”, thuhet tutje në përgjigjen e ASK-së.

Ndryshe, vlen të theksohet se procesi i regjistrimit të popullsisë kishte dështuar tri herë radhazi, e për këtë opozita kritikonte Qeverinë Kurti për paaftësi, shkelje të ligjit e tentim të fshehjeve të shifrave reale.

Në këtë proces, për herë të parë do të regjistrohen edhe qytetarët nga komuniteti serb në Kosovë.

Kujtojmë se ky proces do të zgjasë deri me 17 maj 2024 dhe sipas Ligjit për regjistrimin e popullsisë, ekonomive familjare dhe banesave, çdo person mund të gjobitet nga 30 deri në 2.000 euro, nëse refuzon t’i japë informacionet e kërkuara nga regjistruesi.

Gjobat janë edhe më të mëdha, deri në 20.000 euro, për biznese. 

Burimi i lajmit: /PERISKOPI/