Cilësia në arsim, sërish e ultë! – “PISA” e ka renditur Kosovën në vendin e 76-të nga 80 vende pjesëmarrëse

Kalueshmëria në Testin e Arritshmërisë për vitin 2023 ishte vetëm 52.1%.

Ndërkaq, “PISA” e ka renditur Kosovën në vendin e 76-të nga 80 vende pjesëmarrëse, duke shënuar rezultate të ulëta në cilësinë e arsimit.

Faktorët që ndikojnë në cilësinë e ulët të arsimit përfshijnë:

Planprogrami i mbingarkuar;

Cilësia e mësimdhënies;

Numri i madh i nxënësve në klasa, sidomos në qytete;

Shkollat me numër shumë të vogël të nxënësve, përfshirë klasat e kombinuara në vendet rurale;

Qëndrimi për kohë të shkurtër në shkolla;

Cilësia e teksteve shkollore dhe mungesa e dixhitalizimit;

Mungesa e infrastrukturës dhe aktiviteteve ekstra kurrikulare;

Menaxhimi jo i mirë i shkollave;

Politizimi i kuadrove arsimorë; Mungesa e bashkëpunimit ndërmjet prindërve, mësimdhënësve dhe nxënësve;

Llogaridhënia e ulët, etj.

Veprimet për ngritjen e cilësisë së arsimit përfshinë:

• Rishikimin e planprogramit mësimor, rishikimin e kurrikulave dhe teksteve shkollore;

• Vlerësimin e performancës së mësimdhënësve dhe zhvillimin profesional të vazhdueshëm të mësimdhënësve;

• Realizimin e mësimit tërë ditor dhe rrjetëzimin e shkollave;

• Krijimin e autonomisë së shkollave nga ndikimet politike;

• Digjitalizimin e arsimit, pajisjen e shkollave me mjete mësimore e teknologji digjitale;

• Ofrimin e mjediseve miqësore, të shëndetshme e të sigurta, ku nxënësit gjejnë mbështetje nga mësimdhënësit dhe kanë pjesëmarrje aktive.