Buxheti 2024, Salianji: U miratua në mënyrë tinëzare! Po veprojmë si një juntë
Kuvendi miratoi sot mes kaosit e tymit buxhetin e vitit të ardhshëm, në seancën që zgjati vetëm 8 minuta.
Jashtë ambjenteve të Kuvendit, për mediat Salianji ka reaguar me tone të ashpra. Ai thotë se miratimi i buxhetit u bë në mënyrë tinëzare, dhe për herë të parë godet shtresën e mesme.
“E ka djegur Kushtetutën e Shqipërisë dhe po veprojmë si një juntë. Forca fizike e krimit në zgjedhje bëjnë të mundur mbajtjen e kësaj ngrehine. E patë sot se si në mënyrë tinëzare dhe me vrap e votoi buxhetin, duke goditur shtresën e mesme dhe qytetarët e thjeshtë. Për herë të parë do të taksohen me 23 % profesionet e lira, ju gazetarët dhe stomatologët, etj.”, tha ai.
