Britania e Spanja arrijnë marrëveshje historike për Gjibraltarin
Britania e Madhe dhe Spanja kanë arritur një marrëveshje përfundimtare mbi marrëdhëniet e ardhshme me Gjibraltarin, duke i dhënë fund viteve të negociatave të ndërprera dhe shpesh të pasuksesshme.
Marrëveshja, e njoftuar në një deklaratë të përbashkët, do të lejojë lëvizjen e lirë të njerëzve përtej kufirit tokësor midis Spanjës dhe Gjibraltarit pa asnjë kontroll, raporton Guardian.
Përveç kësaj, një sistem kontrollesh të dyfishta kufitare do të vendoset në aeroportin e Gjibraltarit, i modeluar sipas atyre të aplikuara në linjat Eurostar midis Londrës dhe destinacioneve evropiane.
Marrëveshja, siç theksohet, nuk ndikon në çështjen e sovranitetit – Gjibraltari mbetet një territor britanik jashtë shtetit.
Ministri i Jashtëm Britanik David Lammy tha se qeveria trashëgoi një situatë komplekse nga kabineti i mëparshëm, i cili kërcënoi ekonominë dhe jetën e përditshme në Gjibraltar.
“Përparimi i sotëm sjell një zgjidhje praktike pas viteve të pasigurisë”, tha Lammy.
Ai shtoi se marrëveshja, e arritur në bashkëpunim me autoritetet e Gjibraltarit, ruajti sovranitetin britanik, ruajti stabilitetin ekonomik dhe edhe një herë mundësoi planifikimin afatgjatë për subjektet e biznesit.
Ministria spanjolle e Punëve të Jashtme tha se marrëveshja nuk paragjykon qëndrimet ligjore të asnjë pale mbi çështjen e sovranitetit dhe juridiksionit mbi Gjibraltarin.
“Qëllimi kryesor i marrëveshjes së ardhshme është të sigurojë prosperitetin e ardhshëm të të gjithë rajonit”, thuhet në njoftimin për shtyp./ KosovaPress/
