Bordit i KRU Hidromorava takon delegaconin e Autoritetit Rregullativ të Ujërave – ARRU, bisedojnë për procesin e inspetkimit dhe auditimit

Sot më datë 08.10.2024, Kryesuesja e Bordit të Drejtorëve znj. Filloretë Gashi Sadiku së bashku me Menaxhmentin e KRU “Hidromorava” Sh. A. të përfaqësuar nga z. Ymer Salihu – Kryeshef Ekzekutiv, pritën në takim përfaqësues nga Autoriteti Rregullativ i Ujërave – ARRU, znj. Hajrije Morina – Drejtoreshë, z. Abedin Azizi dhe znj. Lule Aliu.

Gjatë takimit u diskutua lidhur me çështjet e identifikuara gjatë procesit të auditimit dhe inspektimit si dhe ndryshimet e parashikuara në metodologjinë e përcaktimit të tarifave.

Vlerësimi i ARRU-së ndaj KRU “Hidromorava” Sh. A. për vitin 2023 ka qenë pozitiv si në aspektin e realizimit të caqeve lidhur me investimet, ashtu edhe në raportin sa i përket besueshmërisë .

Në fund të takimit, të njëjtit i falenderuam për bashkëpunimin e deri tanishëm si dhe për këshillat dhe rekomandimet e dhëna për rritjen e cilësisë së shërmbimeve ndaj konsumatorëve .