“Bizneset kanë filluar të ndryshojnë kushtet e punëtorëve”, gastronomët të alarmuar nga ikja e fuqisë punëtore
Kosovarët nga 1 janari i 2024-tës u është mundësuar të lëvizin pa viza në zonën Shengen.
Kjo lëvizje e lirë nuk e mundëson punësimin në Evropë.
Vetëm tre ditë e para të këtij viti 32 mijë udhëtarë kaluan përmes aeroportit përfshirë edhe bashkatdhetarët. Por, në periudhën e njëjtë të vitit të kaluar për 10 mijë më shumë është rritur numri i udhëtarëve.
Ky fluks i qytetarëve qysh në fillim vit ka frikësuar bizneset kosovare.
Në vijën e parë të rrezikut për mungesën e fuqisë punëtorë janë gastronomët.
Kështu ka thënë për Front Online, Arian Vranica nga Shoqata e Gastronomëve të Kosovës.
Vranica thotë se liberalizimi i vizave do ndikojë shumë në biznese.
“Liberalizimi i vizave do të ndikojë në mungesën e fuqisë punëtore në biznese se do ta shfrytëzojnë këtë si një mundësi në vendet e tjera në vijën e parë të rrezikut është gastronomia”.
Ai thotë se bizneset kanë filluar të ndryshojnë kushtet nga frika e largimit të punëtorëve.
“Prej janarit deri në prill mundët me pas një lëvizje më të mëdha, kanë filluar parapërgatitjet te disa biznese që me u njëjtë më gati punëtorëve për krijimin e kushteve. Standardi jetësor është përkeqësuar ku edhe shtrenjtimi i energjisë elektrike ka ndikuar”, thotë Vranica.
Bizneset e vogla do të dëmtohet më së shumti nga ikja e punëtorëve, thotë Vranica.
“Shumë biznese kanë më fillu me u kthyer në vetëshërbim ose me shërbime delivery. Bizneset e vogla ato që janë me karakter më familjar dhe at të mesme do ta kenë më të vështirë . Ekonomia në përgjithësi do të dëmtohet me pasoja të tilla por edhe gastronomia”, u shpreh ai.
