Bizneset e Gjilanit në mesin e pesë komunave pjesëmarrëse në panairin Agrokos
Bizneset e Komunës së Gjilanit marrin pjesë në mesin e bizneseve të panairit Agrokos. Ato janë udhëhequr nga zyrtarë të lartë institucional të Komunës së Gjilanit, gjegjësisht nënkryetaja Leonora Morina Bunjake dhe drejtori i Zhvillimit Ekonomik, Enver Shabani.
“ Në emër të kryetarit të komunës së Gjilanit z. Alban Hyseni, nënkryetarja e komunës znj. Leonora Morina Bunjaku, bashkë me drejtorin e drejtorisë për Zhvillim Ekonomik z. Enver Shabani, përgëzuan për organizimin e hapjes së edicionit të 23 të panairit të agrobiznesit, ushqimit dhe pijeve AGROKOS 2023”, thuhet në njoftimin publik nga Komuna e Gjilanit, raporton Tv Gjilani.
Më tej theksohet se Komuna e Gjilanit ka përkrahur disa biznese të regjionit të Anamoravës që të jenë ekspozues në panair duke u mundësuar kështu që të zgjerojnë shtrirjen në treg.
“Përveç, ekspozimit të prodhimeve të tyre qëllim të përbashkët e kanë edhe rritjen e biznesit duke gjetur partnerë e bashkëpunëtorë”, vijon njoftimi.
Panairi Agrokos si ngjarje e organizuar me standarde të larta është nga panairet kryesore në vend, i certifikuar ndërkombëtarisht nga Asociacioni Ndërkombëtar i Panaireve me seli në Francë, ndërsa tashmë është specializuar në trajnimin individual të ekspozuesve, bashkëpuntorëve, por edhe vizitorëve të saj, vijohet në përfundim të njoftimit.
Njoftimi i Plotë
