Bëhen të ditur emart e fituesve të konkursit anonim letrar në “Pena e flakës” të “Flaka e Janart 2024”
Sipas organizatorit, “ARS Club Beqir Musliu”, konkursi solli krijime cilësore letrare. Vetëm autori I tregimit “Në autobus”, që fitoi cmimin e parë, ende nuk dihet.
“Pas shpalljes së rezultateve nga ana e Jurisë profesionale të konkursit anonim letrar, “Flaka e Janarit”, 2024, në përbërje, Emin Azemi, Zyrafete Shala dhe Nexhat Rexha , më 31 janar 2024 si dhe publikimit të tyre nëpër media e portale të ndryshme, deri më tash kanë dëshmuar autorësinë e tyre, pesë fitues.
Autore e poezisë , “Etyd për violonçel”, me shifër “Arbereshja”, që fitoi çmimin e parë, është poetja Naime Beqiraj nga Peja”, thuhet në njoftim.
Autor poezisë që fitoi çmimin e dytë, me titull, “Në emër të atit”, me shifër, “Tenebris Hospes”, është poeti Sabit Bajraktari, nga Suhareka, i cili prej vitesh jeton e krijon në Itali, ndërsa autor i poezisë, “Ti nuk e di, prandaj flet “, me shifër “Ezra”, që fitoi çmimin e tretë, është poeti Kadri Mehmeti, nga Skënderaj, thuhet më tej në njoftim.
Gjithashtu, janë deshifruar edhe dy fituesit e çmimeve për tregim të shkurtër, përkatësisht çmimi i dytë dhe i tretë, ndërsa fituesi i shpërblimit të parë të tregimit, “Në autobus”, ende nuk dihet”.
Autor i tregimit me titull, “Maria Rosseti”, shifra, “Gjon – Luigji”, që u shpërblye me vendin e dytë është Hevzi Mustafa, krijues nga Gjilani, E, autore e tregimit “Hija”, me shifër “Kënga e shiut”, që fitoi vendin e tretë, është krijuesja nga Burreli, Linditë Doda.
E njëjta Juri, ka propozuar që t’i botohen në revistën letrare apo në një përmbledhje të veçantë, shumicën dërmuese e tregimeve, ngase plotësisht i përmbushin kriteret letrare, si dhe një listë prej 10 poezishë.
Listën e këtyre krijimeve do ta publikohet sapo ta mirret e plotë nga ana e Jurisë. me pronarët e mediave ‘online’ në Gjilan, thuhet në njoftim.
