BBC shkruan se si Dua Lipa e mori shtetësinë e Kosovës dhe sa shpesh ka folur për dashurinë ndaj vendit të saj
Ylli i muzikës pop, Dua Lipa, ka thënë se “ndihet sikur të dyja anët e mia tani janë një” pasi iu dha shtetësia e Kosovës.
Mediumi britanik ka shkruar se si presidentja Vjosa Osmani, e cila e priti Duan në Presidencë, tha se ishte një nder që i dha shtetësinë Lipës, duke e cilësuar atë si një nga figurat më ikonike kulturore në historinë e Kosovës.
Këngëtarja lindi në Londër nga prindër kosovarë-shqiptarë dhe jetoi në kryeqytetin e Kosovës, Prishtinë për një kohë të shkurtër që nga mosha 11 vjeç, kur prindërit e saj u kthyen pasi Kosova fitoi pavarësinë, shkruan BBC.
Tutje BBC shkruan se Lipa ndodhet aktualisht në Kosovë për Festivalin tre-ditor Sunny Hill, në të cilin performoi dje.
Mediumi britanik po ashtu shkruan se si Lipa ka folur shpesh për dashurinë e saj për vendin dhe ka krijuar një organizatë bamirësie që përqendrohet në ndihmën e komuniteteve të cenueshme në Kosovë.
