Bashkëpunimi i Policisë së Kosovës në Viti me komunitete
Gjilan, 20 mars 2024 – Policia e Kosovës në bashkpunim me Këshilin e Bashkësisë Islame e Shoqatën Humanitare “Nënë Tereza” kanë shpërndarë pako ushqimore për banorët e komunitetit Kroat në disa fshatra të kësaj komune, njofton Zyra ër informim e Policisë Rajonale në Gjilan, shkruan Tv Gjilani.
Me datën 19 mars 2024 njësiti Sektorial dhe ai në Komunitet të Stacionit Policor në Viti në bashkëpunim me përfaqësues të Këshillit të Bashkësisë Islame në Viti dhe përfaqësues të shoqatës humanitare ‘’Nëna Terezë’’ në Viti, kanë shpërndarë disa pako ushqimore për banorët e komunitetit Kroat në fshatrat Vërnakollë, Vernez dhe Letnicë të komunës së Vitisë.
Me këtë rast Policia e Kosovës në Viti ka bashkëbiseduar me banorët e këtyre fshatrave duke i siguruar se gjithmonë do të jetë pranë tyre.
Policia e Kosovë punon dhe vepron për një ambient të qetë dhe prosperues për të gjithë qytetarët e saj.
