Autoritetet fetare ia lejojnë Lamine Yamal të prishë agjërimin në ditët kur luan Barcelona
Aktualisht të gjithë njerëzit e besimit muslimanë anembanë botë po kremtojnë muajin e shenjtë të Ramazanit, i cili zgjat nga fillimi deri në fund të muajit mars.
Një nga traditat kryesore është agjërimi mes lindjes dhe perëndimit të diellit, ku deri në këtë kohë muslimanët shmangin pijet dhe ushqimin. Kjo natyrisht ka një ndikim edhe tek futbollistët.
Për Lamine Yamal, ky është Ramazani i parë që merr pjesë aktive në agjërim dhe Barcelona e ka vendosur atë në një dietë të veçantë për t’iu përshtatur nevojave të tij.
Në perëndim të diellit, të gjithë muslimanët që agjërojnë këtë muaj të shenjtë, priren të ulen në tavolinë për të ngrënë ushqim, ashtu siç bën Lamine Yamal në shtëpinë e xhaxhait të tij në Rokafonda ku mblidhet me familjen e tij.
Kjo nuk është diçka e re për Barcelonën, të cilët së fundmi patën Ousmane Dembele dhe Franck Kessie që e respektuan këtë traditë.
Sidoqoftë, disa përjashtime mund të bëhen ndaj personave që agjërojnë dhe Diario AS ka raportuar se 17-vjeçari ka leje nga autoritetet fetare të mos agjërojë në ditët kur ka ndeshje Barcelona.
Momentalisht ka 34 lojtarë aktiv muslimanë në La Liga sipas Relevo, duke përfshirë edhe dyshen e Real Madridit, Arda Guler dhe Antonio Rudiger.
Ekipi me më së shumti lojtarë që potencialisht agjërojnë është Real Valladolidi, aty ku bëjnë pjesë shtatë lojtarë muslimanë teksa Villarreali ka katër të tillë
