Asfaltimi i rrugës Gjilan-Kllokot
Komuna e Gjilanit ka filluar me asfaltimin e rrugës Gjilan – Ferizaj, projekt ky që kapë shifrën investuese mbi 4 milionë Euro.
Lajmin e ka bërë të ditur kryetari i Komunës Alban Hyseni, duke saktësuar se gjatësia e rrugës është 11 kilometra.
“Projekti në vlerë mbi 4.2 milionë euro arrin gjatësinë prej 11 km. Ky projekt ka pësuar ndryshime dhe është bërë riprojektimi, në të cilin janë shtuar 7000 m gjatësi gypa të kanalizimit atmosferik si dhe trotuare në fshatin Livoç”, ka shkruar Hyseni.
Kreu i Gjilanit ka përshkruajtur rrjedhën e punimeve, të cila sipas tij po zhvillohen me intensitet të kënaqshëm.
“Punimet po ecin me ritme të shpejta edhe gjatë mesnatës, ndërkaq asfaltimi do të vazhdojë edhe në ditët në vijim deri në përfundimin e tërësishëm të këtij segmenti, për të qenë gati për lëvizje të automjeteve”, tha ai.
Në faqen e tij në facebook, Hyseni ka lënë të kuptohet se ky ëhstë vetëm njëri nga projektet aktuale që ëhstë në realizim e sipër, dhe se sipas tij, projekte akoma më të mëdha infrastrukturore e presin Gjilanin.
