![Asambleistët gjilanas shpallen më aktivët në nivel vendi! – Kryetari i Kuvendit, Kushtrim Kadriu krenar me performancat e tyre](https://tvgjilani.com/wp-content/uploads/2024/06/447693364_3203274096472805_1353214579882741465_n.jpg)
Asambleistët gjilanas shpallen më aktivët në nivel vendi! – Kryetari i Kuvendit, Kushtrim Kadriu krenar me performancat e tyre
Pasi janë shpallur më të zëshmit dhe nga më aktivët në nivel vendi, tre asamblesitë të Komunës së Gjilanit, së bashku me kreun e Kuvendit Komunal, Kushtrim Kadriu dhe këshilltarin më të moshuar në kuvend, Ismajl Kurteshi kanë bërë një foto të përbashkët për të kujtuar këto momente të rëndësishme të karrierës politike.
![](https://tvgjilani.com/wp-content/uploads/2024/04/vali-ranch-2.jpg)
Në fakt, kreu i Kuvendit Komunal, Kushtrim Kadriu ka shpërndarë në rrjete sociale një foto me përshkrim adekuat, që pasqyron vlerësimin e asambleistëve për punën e tyre nga “Helvetas” dhe “DEMOS”, në kontinuitetin e punës së tyre në Kuvendin Komunal gjatë nomenklaturës aktuale të strukturuar.
Në mesin e asambleistëve të shpërblyer për performancë në KK Gjilan, janë dy këshilltarë nga radhët e LDK-së: Gresa Avdiu dhe Gentrit Murseli, si dhe një asambleist nga radhët e LVV-së: Besnik Shala.
“Asambleja jonë kampione. Asambleistët e Gjilanit fitojnë tri çmimet e para në nivel vendi.
Sot gjatë ndarjes së çmimeve për performancën e asambleistëve komunal të monitoruar nga “Helvetas” dhe “Demos”, asambleistët tanë fituan tre çmimet kryesore. Këshilltarët fitues të çmimeve janë: Gentrit Murseli, Çmimi kryesor, si dhe Gresa Avdiu e Besnik Shala”, ka shkruar kryetari i Kuvendit Kushtrim Kadriu.
Kadriu më tej ka theksuar se këto cmime e suksese e bëjnë krenar për punën e kuvendarëve, ndërsa uron këshilltarët fitues, të cilëve u dëshiron vazhdimësi të suksesshme në të ardhmen e karrierave përkatëse politike e në jetën institucionale dhe publike.
![](https://tvgjilani.com/wp-content/uploads/2023/11/libertas2.jpg)