Arrestohet i dyshuari në Gumnishtë të Gjilanit për armëmbajtje pa leje
Në fshatin Gumnishtë të Gjilanit, pasditen e së martës është arrestuar një person i dyshuar pasi gjatë kontrollit i është gjetur dhe konfiskuar: një armë e gjatë me dy karikatorë të zbrazur, një pushkë gjuetie, 22 fishekë dhe një thikë.
Njësiti i hetimeve të Stacionit Policor Gjilan me datën 10.10.2023 përmes rrugëve operative ka pranuar informacion se i dyshuari R.H. (viti i lindjes 1958, mashkull kosovar shqiptar) nga fshati Gumnishtë komuna e Gjilanit se posedon armë pa leje.
Zyrtarët policor menjëherë janë vënë në veprim duke lokalizuar dhe arrestuar të dyshuarin, tek i cili gjatë kontrollit janë gjetur dhe konfiskuar si dëshmi për gjykatën: një (1) armë e llojit AK 47 me dy karikator të zbrazët, pesëmbëdhjetë (15) fishekë të kalibrit 7.62 mm, një (1) pushkë gjuetie e llojit Magnum me shtatë (7) fishekë të kalibrit 12 mm dhe një (1) thikë bajonetë.
Në lidhje me rastin është njoftuar prokurori i shteti i cili ndaj të dyshuarit ka lëshuar masën e ndalimit për 48 orë dhe ndaj ti do të ngritët kallëzim penal për veprën penale ‘’ Mbajtja ne pronësi, kontroll ose posedim te paautorizuar te armeve’’.
Me vendim të prokurorit, i dyshuari është dërguar në mbajtje.
