Arrestohen katër të dyshuar për djegien e katër veturave në Prishtinë
Katër persona janë arrestuar si të dyshuar për djegien e katër veturave në rrugën “1 Tetori” në Prishtinë.
Rasti siç ka njoftuar Policia e Kosovës, ka ndodhur më 20 shtator të këtij viti.
“Mbrëmë hetuesit e Njësitit të hetimeve të Përgjithshme-Prishtinë, kanë arrestuar katër persona të dyshuar për veprën zjarrvënie të raportuar me datën 20.09.2022. Rasti ka ndodhur në rrugën “1Tetori” në Prishtinë, ku janë djegur katër vetura”, thuhet në njoftimin e policisë.
Personat e arrestuar: A.S 46 vjeçar, S.I 16 vjeçar, H.M 40 vjeçar dhe L.L 24 vjeçar.
Me vendim të prokurorit janë dërguar në mbajtje.
“Polica po vazhdon punën në drejtim të garantimit të rendit dhe sigurisë publike si dhe goditjes së individëve dhe grupeve kriminale, me fokus të veçantë zbardhjen e veprave kriminale, identifikim dhe arrestimin e të dyshuarve të implikuar në ngjarjet kriminale”, thuhet tutje në njoftim
