Arbnor Muja shënon gol të jashtëzakonshëm për skuadrën e tij, Royal Antwerpen
Ish futbollisti i skuadrës së Drites, Arbnor Muja, ka gjetur cakun me të hyrë në lojë në pjesën e dytë, saktësisht në minutën 67, për Royal Antwerpen.
Ai pak minuta pasi ishte inkuadruar si zëvendësues ka shënuar gol spektakolar në duel me Kotrijk.
Anësori Kosovar iu deshën vetëm katër minuta të mobilizohet dhe në fushë e të adaptohet me skuadrën e tij, për të “rrëmbyer” një top rreth 25 metra nga porta rivale, e për të shënuar nga distanca.
Ai shënoi me të majtën, ndërsa Antwerpen shënoi fitore bindëse, me epilogun përfundimtar 6:0.
