Arbër Ismajli vlerësoi lart fitoren e FC Drita ndaj shelbourne në udhëtim

Ndër urime të shumëta që kanë arritur në adresë të FC Drita në mënyra të ndryshme, qoftë përmes rrjeteve publike sociale apo deklarateve mediale, është edhe ai i kandidatit për kryetar të Komunës së Gjilanit nga LDK, Arbër Ismajli.

Ai e ka uruar FC Drita duke e përgëzuar njëherit pas fitores sensacionale (0:1) në udhëtim te ekipi i njohur irlandez, në kuadër të garave preliminare të UEFA Conference League.

Ismajli ka theksuar se kjo është një fitore e zemrës, e djersës dhe e dashurisë për fanellën bardhekaltër.

“Urime djemve tanë, stafit dhe gjithë tifozëve që kudo janë krenaria e qytetit. Gjilani tanimë po shihet në hartën e Evropës me përplot dinjitet e krenari,” ka shkruar Ismajli, duke nënvizuar ndjesinë me: “Përgjithmonë krenar!”