Arbër Ismajli, “Extra” dedikim për bashkatdhetarët: “Republika është më e bukur, më e gjallë dhe më e plotë kur ju jeni këtu!”
I Nominuar nga dega e LDK-së për kryetar të Gjilanit në zgjedhjet lokale të parapara të mbahen më 12 tetor 2025, Arbër Ismajli, në kuadër të aktiviteteve të nduarnduarshme që po realizon në raport me qytetarë dhe publikun e gjërë, herë-herë u drejtohet kategorive të ndryshme me opinione, vlerësime, konkluzione e qëndrime personale për cështje të ndryshme, shkruan TV Gjilani.
Ismajli sot ka zgjedhur t’i drejtohet një kategorie specifike, bashkatdhetarëve tanë, të cilët tanimë kanë filluar të vijnë në pushime dhe të “vërshojnë” qytetain e Gjilanit e mbarë Anamoravën me prezencën e tyre.
“Kur vjen vera, nuk janë vetëm ditët e gjata dhe dielli që na gëzojnë, por, edhe ardhja e juaj, e bijve dhe bijave që me vite e dekada nuk kanë harruar asnjëherë rrënjët. Ju që punoni me mund jashtë vendlindjes, që jetoni mes dy dashurive, asaj për familjen atje dhe kësaj për atdheun këtu, jeni përgjithmonë krenaria jonë!“, ka shkruar fillimisht z. Ismajli në faqen e tij.
Më pas Ismajli ëhstë shprehur me simbolikën e figurave stilistike letrare, duke përcuar mesazhin tek bashkëthdhetarët se ata asnjëherë nuk janë të harruar nga Gjilanasit, ngase sipas tij, “Kjo tokë i njeh hapat e tyre edhe kur largohen, e zemrat tona ndjejnë mungesën e tyre në çdo stinë”.
“Sot, kur ju ktheheni në shtëpi, nuk sillni vetëm mallin e dashurinë, por, sillni edhe gjallëri, buzëqeshje, përqafime, ndihmë dhe ide të reja. Ju jeni një pasuri që nuk matet me para, por me dashurinë dhe lidhjen që mbani gjallë për vendin tuaj. Republika është më e bukur, më e gjallë dhe më e plotë kur ju jeni këtu!”, ka përfunduar z. Ismajli shkirimin dedikus për bashkëtdhetarët në profilin e tij.
